కార్తిక శివకేశవారాధన-02
శివాయ విష్ణురూపాయ
శివరూపాయ విష్ణవే,
శివస్య హృదయం
విష్ణుః విష్ణోశ్చ హృదయం శివః.
యధాశివమయో విష్ణు
రేవం విష్ణుమయశ్శివః,
యధాంతరం న పశ్యామి
తధామే స్వస్తిరాయుషీ
ప్రతి పదార్థము
విష్ణురూపాయ
= విష్ణు రూపముతో ఉన్న;
శివాయ
= శివునకు నమస్కారము
శివరూపాయ
= అలాగే శివ రూపముతో ఉన్న
విష్ణవే = విష్ణువునకు నమస్కారము
శివస్య
= శివునియొక్క
హృదయం
= హృదయము
విష్ణుః
= విష్ణువే.
విష్ణోశ్చ
= అట్లే విష్ణువు యొక్క
హృదయం = హృదయము
శివః. =
శివుడే.
విష్ణుః = విష్ణువు
యధా =
ఏ విధముగా
శివమయః =
శివమయుడో
ఏవం =
ఈవిధముగానే
శివః =
శివుడును
విష్ణుమయః =
విష్ణుమయుడే.
యధా =ఎంత అధికముగా
న అంతరం
=శివ
కేశవులకు అభేదమును
పశ్యామి =
చూచుదునో
తధా =అంత అధికముగా
మే = నాకు
స్వస్తిః =జీవితమున
క్షేమము
ఆయుషీ =దీర్ఘాయుష్షు కలుగుగాక !
తాత్పర్యము
విష్ణు రూపముతో
ఉన్న శివునకు నమస్కారము
అలాగే శివ రూపముతో
ఉన్న విష్ణువునకు నమస్కారము
శివునియొక్క
హృదయము
విష్ణువే.
అట్లే విష్ణువు
యొక్క హృదయము శివుడే.
విష్ణువు ఏ విధముగా
శివమయుడో ఈవిధముగానే శివుడును విష్ణుమయుడే.
ఎంత అధికముగాశివ
కేశవులకు అభేదమును చూచుదునో
అంత అధికముగా
నాకు జీవితమున క్షేమము దీర్ఘాయుష్షు కలుగుగాక !
విశేషాలు
హృదయము
ముదురు తమస్సులో
మునిగిపోయిన క్రొత్త సమాధి మీద, బై
బొదలు మిణుంగురుంబురువు
పోలిక వెల్గుచునున్న దివ్వె, ఆ
ముదముడిపోయినన్
సమసిపోవుట లేదిది, దీపమందు మా
హృదయము సుమ్మి!
నిల్పి చనియెన్ గత పుత్రిక యే యభాగ్యయో (గుర్రం జాషువ ‘శ్మశాన వాటి’)
చిక్కటి చీకటిలో
ఒక కొత్త సమాధి కలిసిపోయింది. . దాని మీద దీపం
ఒకటి. నూనె పూర్తిగా అయిపోయినా కూడా మిణుగురు
పురుగులాగా వెలుగుతోంది. ప్రమిదలో ఆముదము తగ్గిపోయినా
ఆ దీపము ఆరిపోవుటలేదు.
అది దీపము కాదు.
కన్నకుమార్తె సమాధి దగ్గర ఒక తల్లి వదిలిపెట్టి వెళ్లిన హృదయము.
****
శివుని హృదయము
విష్ణువు. విష్ణుదేవుని హృదయము శివుడు.
ఇష్టమైన వారిని
తలచుకొనే విషయములచేత తనను తాను కోల్పోవటం హృదయం.
శివస్య హృదయం విష్ణుః విష్ణోశ్చ హృదయం శివః.
స్వస్తి.
No comments:
Post a Comment